過江龍人氣燒肉店! 迴轉中的美味燒肉BingleBingle

Bingle Bingle餐廳位於香港荔枝角，係一間以自動迴轉送餐為主題嘅過江龍燒肉餐廳。最近去咗覺得都幾唔錯，可以推介吓。😋 Bingle Bingle呢間喺荔枝角分店嘅餐廳係喺AEON百貨公司入邊，空間非常闊落，超級高樓底。裝修時尚得黎又現代化，用咗橙色為主調有一種好refresh嘅感覺。入到去就會見到一個寬敞明亮嘅用餐區，用餐環境舒適，每個人都有自己獨立座位，餐具一應俱全，坐得好舒服。 餐廳入面有好大聲嘅韓文語音提示，感覺好似去咗韓國度食燒肉咁！🇰🇷 而食物方面，Bingle Bingle嘅迴轉燒肉真係好正！佢哋嘅燒肉好新鮮，肉質鮮嫩多汁。佢哋有唔同種類部位嘅牛肉。你可以隨意揀選自己鍾意嘅肉。係迴轉車軌道上會有一架好似列車嘅車廂裝住你點嘅燒肉，送到你枱面面前，感覺好得意，好好玩！ ～ 人氣牛肉三拼套餐（150g）$128 點咗一份人氣牛肉三拼套餐，前菜有：泡菜同埋漬物海帶，牛肉包括：美國牛五花，美國牛小排，肩胛牛柳，牛肉湯同埋白飯。 第一份美國牛五花，牛肉油脂同埋肉嘅比例分明，可以食到油脂嘅滋味同埋牛肉味道。中間果份美國牛小排，牛味好濃，又有咬勁，好滋味。最後一份肩胛牛柳，係最靚，牛肉油脂雪花同肉嘅比例分佈平均，燒起嚟特別香口好味，覺得係最好味。😋😋 每個人嘅座位枱上都有一個小火爐，肉黎到放喺上面自己烤，可以根據個人口味調整烤嘅程度。枱嘅旁邊仲有唔同嘅醬汁提供，好似有芝麻醬，沙律醬，烤肉醬等等，燒肉點上醬汁後更加美味，味道更豐富。新鮮熱辣燒好嘅燒肉，送飯一流呀！😋😋 Bingle Bingle（荔枝角分店） 📍九龍荔枝角深盛路8號碧海藍天AEON荔枝角店地下L002號 #過江龍#人氣#燒肉店#迴轉#美味#燒肉#牛小排#牛肉#韓式#BingleBingle#荔枝角#熱門菜式#打卡#攻略#chill#週末#下次要再食